TUKIO LA LISSU LAWAFANYA WABUNGE KUANDIKA HISTORIA HII NZITO YA BUNGE LEO HII…

Wabunge wamekubali kuchangia nusu ya posho yao kwa siku moja kuchangia matibabu ya Mbunge wa Singida Mashariki, Tundu Lissu aliyelazwa katika Hospitali ya Aga Khan mjini Nairobi, Kenya.

Spika wa Bunge, Job Ndugai aliwaomba kuchangia fedha hizo na wabunge wakapiga makofi kuashiria kukubali.

Hakuna kiwango kamili kilichotangazwa kama malipo ya wabunge kwa siku ambayo yameainishwa kwa uwazi lakini baadhi ya wabunge wanataja kuwa posho ya kikao ni Sh220,000 hivyo nusu yake ni Sh110,000 hivyo kuwezesha kukusanywa zaidi ya Sh43 milioni.

Lissu alishambuliwa jana Alhamisi nyumbani kwake Area D mjini Dodoma.

Spika Ndugai akizungumzia safari ya Lissu Nairobi amesema lilikuwa ni ombi maalumu kutoka kwa wanafamilia na Kiongozi wa Kambi ya Upinzani Bungeni, Freeman Mbowe.

Spika Ndugai amewaomba wabunge na Watanzania kutulia na kuendelea kumuombea Lissu badala ya kuendelea kulaumiana kupitia mitandao ya kijamii.

Amsema tukio hilo ni la kwanza na la aina yake kutokea tangu Bunge lilipohamia Dodoma na hasa katika kipindi ambacho Bunge linaendelea na vikao.
TOA MAONI YAKO

Be the first to comment

Leave a Reply

Your email address will not be published.


*